德國女足身心康「泰」

德國女足身心康「泰」

喺分組賽稍為失手對於德國女足嚟講反而係一件好事，起碼俾佢哋知道自己唔係無敵，重整旗鼓之後迎戰泰國女足可以放心捉實「讓客」。（周一2，香港時間周二4:00am開賽）

剛剛喺B組次輪賽事以1:1同挪威女足踢成平手嘅德國女足雖然失分，但係咁樣失分法不但冇打擊到佢哋嘅士氣，分分鐘可以令佢哋重新投入賽事；始終呢一隊德國女足係以今屆女子歐聯冠軍法蘭克福嘅球員嚟做骨幹，另外再加幾件老將，好似有「女版簡尼」之稱嘅艾格娜依然都喺陣中，三線嘅整體實力依然不容忽視。至於泰國女足冇錯係有個古絲坦娜係踢緊女子歐聯亞軍嘅聖日耳門，不過其他球員完全未夠班，實在冇能力一個打幾個。講到尾，要留意目前德國女足以及死敵挪威女足同樣喺B組攞住4分，要力保分組首名唔只要贏波咁簡單，最好就係盡量入多幾球，擴大個得失球差，所以唔好睇見讓到「-6」就覺得「讓客」一定冇可能開到。