西班牙大勝小意「斯」

西班牙大勝小意「斯」 
    
歐國盃C組今晚有場直播戰由白俄羅斯主場對西班牙。白俄踢到依家仲用緊老將希比擔大旗，難怪成績完全冇改善，相反西班牙質素冇懷疑，球隊相信亦會希望爭首名出線，「讓客」有計。（周日20，有線61及201台周一2:45am直播）

西班牙目前喺C組只係排第2位，以佢哋性格相信絕對唔會滿足以次名身份出線，今晚肯定唔會輕易放分俾對手，戰意冇需要懷疑；冇錯佢哋今場係冇咗迪亞高哥斯達同恩尼斯達，但球隊陣內根本猛將如雲，喺歐聯決賽有波入嘅艾華路莫拉達，以及英超兵如大衛施華同辛迪卡索拿，都足夠填補空缺，西班牙實力肯定得以維持。至於白俄羅斯分組至今5戰僅1勝，有幾多料大家心照；事實佢哋到依家仲用緊希比領軍，足證青黃不接問題嚴重，主場都阻唔到客軍報捷。
同日C組斯洛伐克會喺主場對馬其頓。斯洛伐克分組5戰全勝，連友賽近8場更全部贏晒，今晚如咸錫同史卡迪爾等名牌主力又全數可以候命，有幾名主力受傷嘅馬其頓，相信都幾難做得到攔路虎。（周日22，香港時間周一2:45am開賽）