奧地利布天「羅」地網

奧地利布天「羅」地網 
   
歐國外G組一哥奧地利今晚會遠征俄羅斯。奧地利踏入黃金年代人才輩出，上循環亦成功主場搞掂到俄羅斯，而後者攻力始終令人擔心，要讓波雷神認為絕對唔值博，奧地利受讓半一值捧。（周日17，有線64及203台周一12:00am直播）

奧地利喺G組至今踢5場波得4勝1和，期間入10球而僅失2球，演出惹人好感；雷神喺引言提到奧地利進入黃金時代，事關佢哋近年青訓做得幾好，維拉前鋒安祖斯韋文同拜仁後衛阿拉巴都係佼佼者，而就算兩人今晚冇歸隊，但奧地利仲有FC悉尼前鋒真高、史篤城前鋒阿拿奧杜域同李斯特城後衛基斯甸富治斯壓陣，陣容依然完整。至於俄羅斯上年世界盃已顯露把握力欠佳問題，重點球員如高哥連仍非常幼嫩，加上維拉利爾中場卓利舒夫同莫斯科戴拿模中場迪尼素夫都因傷缺陣，實在睇唔到佢哋有言勝條件。
同組瑞典就會主場對黑山。前者依家僅4分落後奧地利，陣容上如伊巴等亦全數有入選；相反黑山一對箭頭胡仙歷同祖維迪都缺陣，難逃一敗。（周日23，有線64及203台周一2:45am直播）