英軍讓波有暗湧

英軍讓波有暗湧

    英格蘭在上年世界盃決賽周令球迷失望，在分組賽一和兩負晨早出局，當時真係瘀到痹。幸好，在歐國盃外圍賽五戰全勝，基本上已經穩奪明年在法國舉行嘅決賽周資格。難怪領隊鶴臣亦大言不慚，以十戰全勝出線，簡直一朝得志語無倫次。

    英格蘭有幾多料，是否去到歐洲頂級行例，大家心中有數。講真一句，英格蘭如果在E組出唔到線，真係要拉去“打靶”。同組真正強手唔多，瑞士與斯洛文尼亞算係較有威脅，出線根本意料中事，但能否直殺到底，就要打完全部外圍賽先知。正如今晚作客斯洛文尼亞，英軍絕對冇話贏硬。尤其目前嘅人腳，除朗尼與卡域克外，有邊個可以真正達到星級水平。況且英格蘭踢作客依然令人信心不足。

    斯洛文尼亞整體戰鬥力雖然唔算太突出，但最緊要有鬥志及決心。目前與瑞士爭次名出線爭到頭崩額裂，餘下賽事都會全力拼搏。今仗佔有主場之利，一定同“英國佬”打場生死戰。初盤英格蘭讓半球，直博斯洛文尼亞贏盤冇困“蘭”。

    推介：和波1:1