巴西女足張「牙」舞爪  女子世界盃去到第2輪分組賽，今晚重頭戲肯定係E組巴西對西班牙大戰。巴西首戰演出唔錯，以2:0贏咗南韓，主力足球小姐瑪達雖然只入咗一個12碼，但全場創造咗唔少機會，而巴西亦有6成多控球率兼14次射門，以首場分組賽嚟講算係唔差。至於西班牙女足首戰僅和哥斯達黎加，演出明顯同賽前期望有距離，如果今晚再冇改善，面對出線大熱門巴西睇怕都難以偷雞，進取啲捧埋「讓主」都仲得。（周六15，香港時間周日4:00am開賽） 較早時間F組法國女足首戰如常贏咗英格蘭，而對手哥倫比亞首戰對墨西哥都鬼咁狼狽僅和1:1，初盤受讓到2球似乎都唔多夠數，一於要埋1.75倍「讓主」。（周六6，香港時間周日1:00am開賽）