德國客其他「直」得捧

德國客其他「直」得捧 

星期六晚有多場歐國盃外圍賽上演，其中最強弱分明比賽係D組直布羅陀對德國賽事。主隊分組踢5場波已經失咗27球，魚腩部隊之名絕對實至名歸，撞啱德國啱啱喺友賽輸俾美國備受壓力，睇怕一場大炒都在所難免，「客其他」有計。（周六9，有線61及201台周日2:45am直播）

兩隊波上循環碰頭當時德國主場僅贏4:0，但今場波有啲唔同喎，德國啱啱喺友賽輸咗俾美國，球員難免唔敢再「揸流攤」，今晚會出十成功力務求大勝一場封住媒體把口；冇錯，德國今次點兵唔算「夫添」，卻奧斯、湯馬士梅拿同馬高列奧斯都缺陣，但「小豬」舒韋恩史迪加、奧斯爾同馬里奧葛斯都有級數，而舒爾賀尼、基迪拉等亦一向有鬥志，今晚要大炒分組5戰全敗，加埋失咗27球而僅入1球嘅直布羅陀冇難度，要大勝開個1.65倍「客其他」波膽唔難。

波蘭穩炒格魯吉亞

同組一哥波蘭會主場對格魯吉亞。波蘭今季演出對辦，今晚羅拔利雲度夫斯基、基祖華克同巴拉斯塞高斯基都可列陣，分組5戰4敗，上循環主場都輸俾波蘭0:4嘅格魯吉亞，睇怕都難逃大敗命運。（周六3，香港時間周日12:00am開賽）