阿根廷劏“圭”

阿根廷劏“圭”

    美洲國家盃在智利正式展開，大熱門之一的阿根廷在分組賽遇上上屆冠亞軍烏拉圭與巴拉圭，擁有重型火力攻擊線嘅阿根廷，要殺入八強應該不成問題。首戰先對巴拉圭，阿根廷勢必旗開得勝打響頭炮。

    巴拉圭雖貴為上屆亞軍，但自此之後一直走下坡，不但未能躋身去年世界盃決賽周，近期友賽亦輸多贏少，明顯已今非惜比。今場對住站穩世界排名前三嘅阿根廷，巴拉圭可以棄械投降。初盤阿根廷讓球半，近三次對戰，阿根廷全勝兼贏兩球或以上，今場一於捧美斯帶領球隊玩“圭”為樂。

    阿根廷除有美斯外，仲有迪維斯、阿古路、希古恩、拿維斯及迪馬利亞，六大殺手都能獨當一面，絕對令任何一支防線聞風喪膽。阿根廷已經失落美洲盃廿二年，最慘係去年世界盃又祇能屈居亞軍，呢個美洲盃確要非取不可。

    巴拉圭陣中亦有多名球員在歐洲搵食，但都只係在二三線球會，老將辛達告魯斯、華迪斯及巴里奧斯算係最具名氣，整體戰力肯定在阿根廷之下，相信今戰難有機會突圍。

    推介：阿根廷4:0