美國女足創造經「典」

美國女足創造經「典」

女子世界盃奪冠大熱門美國女足又出場，今日佢哋會喺D組同瑞典女足交手，睇兩隊嘅世界排名好似好接近，但事實上，美國嘅近況係相當突出，故此是役毫無懸念，直接捧美國開出「讓主」。（周五13，香港時間周六8:00am開賽）
美國女足首輪輕取澳洲女足，連同決賽周前嘅一輪熱身賽，佢哋已經8場不敗，當中獲得6勝2和佳績，而且大部份比賽都可以保持不失球，真係攻守兼備，難怪目前排名世界第2嘅美國女足，會被各地莊家一致列為奪標嘅大熱門。
瑞典女足以往都仲可以同美國隊分庭抗禮，但近年就顯著回落，早前4場熱身賽獲1勝1和2負，表現只係麻麻，首輪分組賽同尼日利亞女足踢成3:3，亦令到唔少人大跌眼鏡，同時突顯佢哋後防並唔穩陣，今戰捧「讓主」安心好多。
同組澳洲女足同尼日利亞女足交手就勝負難料，因為澳洲首輪輸咗俾大熱門美國，並未反映出佢哋嘅真正實力，而尼日利亞可以喺瑞典身上入3球亦絕對唔簡單，既然呈現五五波局面，不妨直接買個和局。（周五10，香港時間周六5:00am開賽）