日本女足輕鬆屠「隆」

日本女足輕鬆屠「隆」

女子世界盃C組賽事，奪標熱門之一嘅日本女足，會同首輪大勝嘅喀麥隆女足進行埋身肉搏，激戰肯定難免，但考慮到日本嘅大賽經驗相當豐富，預計今戰仍然可以攞3分，「讓主」放心落注。（周五14，香港時間周六10:00am開賽）
首輪協助日本一箭定江山嘅宮間綾，2003年就參加世界盃女子足球賽，陣中有經驗嘅球員比比皆是，故即使喀麥隆女足來勢洶洶，臨場嘅心理質素同埋經驗都會輸蝕，故此足智彩開讓球主客和，絕對可以睇好日本女足贏波贏盤。
同組瑞士女足同厄瓜多爾女足就係哀兵對決，兩軍首輪都輸波而回，不過瑞士女足就係僅負日本女足0:1，即使大部份時間捱打，防線總算係稱職，起碼將失球數字減到最低，是役可開「讓主」。（周五11，香港時間周六7:00am開賽）
厄瓜多爾女足喺首輪慘吞喀麥隆女足6隻光蛋，明顯同列強仲有一大段距離，而且喺決賽周開始之前，佢哋已經連輸4仗，狀態固然唔好，球員嘅信心亦都處於低點，今晚再慘敗嘅機會好大，各位唔好搏冷，捧瑞士女足「讓主」冇錯。