荷蘭客場「維」所欲為

荷蘭客場「維」所欲為

歐洲國家盃外圍賽A組賽事，荷蘭為咗拉近同榜首捷克嘅距離，今晚即使要作客拉脫維亞都唔會手軟，加上以佢哋嘅超班人腳，要大勝而回贏波贏盤話都冇咁易，所以橙衣軍團「讓客」低水都一定要捧場。（周五6，有線62及202台周六2:45am直播）
拉脫維亞呢支東歐球隊缺乏球星，陣容都係以土炮同埋喺捷克搵食嘅球員做骨幹，今次仲搵咗兩個新人入伍，包括中場嘅烏列巴斯夫斯，同埋門將史迪保斯，唔通諗住輸硬故此寧願試陣，俾機會啲年輕新秀汲取下大賽經驗？
荷蘭喺上年先至試過以6:0蹂躪拉脫維亞，當時佢哋全場起腳34次，佔咗8成嘅控球率，好似大人同小朋友踢波咁輕鬆，儘管今次洛賓因傷冇入選，不過橙衣軍團嘅人腳依然充滿星味，包括有史浩克零四嘅亨特拉爾、曼聯嘅尹佩斯、戴利白蘭特、即將登陸英超嘅迪比、拉素後衛迪維積，同埋巴黎聖日耳門嘅出擊右閘雲達韋爾，而世界盃門將施利臣亦會繼續把守荷蘭最後一關，故此荷蘭的確係贏面壓一，就算冇咗洛賓，可能會數少幾球，呢個大熱「讓客」都係穩開，大家唔好客氣！