撐奧地利U20除「烏」

撐奧地利U20除「烏」

唔好以為奧地利U20同埋烏茲別克U20同樣冇乜名氣就以為難分高低，事關上前者喺分組賽嘅表現極具說服力，唔只可吼主勝，3.35倍讓和亦可以捉實唔放。（周四1，香港時間周五12:00pm開賽）
烏茲別克U20只係靠分組賽臨尾擊敗斐濟U20攞到最佳第三名嘅資格出線，睇嚟領軍人物烏連保爾夫雖然能夠喺上年舉行嘅U19亞洲盃攻入5球成為神射手，但係似乎佢嘅實力仲停留喺亞洲水平，所以嚟到世青盃呢類真正嘅大舞台就顯得有心無力。反而奧地利U20陣中就有唔少球員一早就已經出國搵食，好似前鋒基利特舒正效力緊雲達不來梅，而後衛菲臘比連赫特就出身於皇馬，所以喺分組賽和到實力唔錯嘅加納U20以及阿根廷U20絕對唔係僥倖，不過要小心佢哋似乎係一隊典型以防守為主嘅球隊，上輪迎戰阿根廷U20直情放棄晒控球權，呢一場要佢哋搶攻反而會唔適應。