葡萄牙U20「蘭」唔住

葡萄牙U20「蘭」唔住

身為主辦國嘅新西蘭U20能夠入到世青盃16強已經係超額完成，面對住「新黃金一代」葡萄牙U20就算係輸波出局都唔會有球迷責怪佢哋。（周四4，香港時間周四3:30pm開賽）
新西蘭U20淨係憑分組賽大炒緬甸U20，只識屈得失差球奪得分組最佳第三名入到嚟16強，可惜佢哋嘅運氣嚟到呢個階段明顯用完，好抽唔抽抽中葡萄牙U20，恐怕全隊都做晒出局嘅心理準備。至於葡萄牙U20喺分組賽嘅入波雖然唔及德國U20有16球波咁多，但係3戰全勝手執9分、攻入10球咁多，以呢個無敵姿態出線絕對唔係易事。由施華出任正箭頭，紐奴山度士以及伊奧洛迪古斯擔任翼鋒作後上支援嘅進攻能力唔錯，當係「新黃金一代」都唔過份，抽到呢支上上籤遇到16強當中最弱嘅新西蘭U20一定唔會保留，應該唔會學班大國腳咁去到關鍵時刻就一定失準，「讓客」開到「-2」都勒唔住。