捧德國U20可獲「利」

捧德國U20可獲「利」

早幾年有人話過西班牙人才輩出，估唔到依家就輪到德國有人滿之患，呢隊U20喺分組賽3戰總共攻入16球波，平均每場有5球喺手，今次迎戰尼日利亞U20仲開「-1」，實在諗唔到理由唔撐讓主。（周四3，香港時間周五3:30pm開賽）
實在估唔到尼日利亞U20冇一面倒咁成為冷門，客W仲有4倍唔算冷得過份，不過睇番佢哋成個晉級過程其實都冇乜說服力，分組首戰　同巴西U20對攻輸波，之後連贏北韓U20以及匈牙利U20只係份內事，難度唔係好高。反而德國U20就真係充滿驚喜，經過3輪分組賽就已經入咗16球波咁多，其中梅克達利以及史頓達拿雙雙以4個入波排喺射手榜次席，不過咁都唔算特別，最得人驚嘅係佢哋踢完頭兩輪分組賽已經篤定出線，分組最後一戰喺留晒力嘅情況下照樣大炒洪都拉斯U20成5:1咁多，睇嚟連後備嘅狀態亦唔會差得去邊，仲開「-1」有計！