巴西U20不勝無「圭」

巴西U20不勝無「圭」

話唔定曼聯中場安達斯彭利拿好快就可以上位，事關由佢領軍嘅巴西U20連場贏波之餘仲越贏越輕鬆，撞正對手烏拉圭U20唔識入波，讓到半球、一球簡直係小兒科啦。（周四2，香港時間周四3:30pm開賽）
烏拉圭U20喺分組3戰僅入3球，而所面對嘅對手只係實力平平嘅塞爾維亞U20、墨西哥U20、馬里U20，呢班小國腳真係要向佢哋嘅師兄蘇亞雷斯偷吓師先至得嘞，不過真正嘅問題係連防線都唔係咁穩，喺呢3場分組賽夾埋失3球咁多實在好難接受，連防線都未搞得好，能夠嚟到16強已經係超出預期。當然巴西U20亦喺分組賽失咗3球咁多，不過佢哋勝在前面識得入波，可以遮掩到呢個缺點，中場安達斯彭利拿俾外間大讚已經唔係新聞，同時亦唔好忘記呢一波佢哋有中場加比爾捷西斯以及後衛祖拿夫馬隆尼坐完波監，能夠派出「夫添」唔使怕讓到半、一咁辣。