紅牛做大“哥”

紅牛做大“哥”

    明晨繼續有國際友誼賽進行，近兩場友賽分別輸畀德國及荷蘭嘅西班牙，係時候要挽回面子。主場約戰實力並非突出嘅哥斯達黎加，開始改朝換代嘅“紅牛”，今仗應該會有更佳發揮，只要前線能夠把握埋門一腳，贏波絕對不成問題。

    哥斯達黎加在去年世界盃決賽周令人眼前一亮，面對多支強隊一路過關斬將殺到入八強，最終在十二碼大戰被季軍荷蘭淘汰。不過，球隊今年狀態認真麻麻，已經連續兩場友賽輸波，今次對住歐洲豪強之一嘅西班牙，恐怕難逃再敗。初盤西班牙讓球半／兩球，照捧“紅牛”贏波贏盤。

    西班牙國家隊嘅巴塞中場時代經已過去，費比加斯、大衛施華、高基及卡索拉等成為球隊核心，攻擊線亦換上艾卡沙、摩拉達與柏度。為爭上位必全力以赴，在自己地頭勢必向對手全面發炮。

    哥斯達黎加大部分球員都係世界盃主力，當然唔少得拜仁雷斯、祖爾甘保、波格斯及卡禾等歐洲搵食球員，但整體質素與西班牙相比，依然低一個班數，只望輸少當贏。

    推介：西班牙3:0