哥倫比亞U20報「國」  似乎呢隊美國U20淨係識喺弱旅身上攞分先至入到16強，對番實力稍強嘅哥倫比亞U20隨時會現形，甚至係行人止步！（周三4，香港時間周三3:30pm開賽） 美國U20喺分組賽連贏緬甸U20以及新西蘭U20攞晒6分，不過以上呢兩隊波，一隊食都冇啖好食，另一隊都唔係踢開足球，連贏兩場有些少大人蝦細路嘅感覺，所以上仗以0:3慘敗喺烏克蘭U20腳下絕對唔會覺得驚奇。反而哥倫比亞U20嘅分組賽成績平平，不過同組話晒都有實力唔錯嘅塞內加爾U20以及葡萄牙U20，咁都可以晉身到16強就證明到實力冇想像中咁差，尤其係佢哋位19歲、俾車路士一早買斷嘅前鋒祖奧洛迪古斯喺分組賽已經「開齋」，能夠俾車路士睇中梗係有番咁上吓嘅實力。