捧明尼路開門見「山」

捧明尼路開門見「山」 

明尼路雖然新敗，不過佢哋今日喺巴甲佔主場之利，加上到訪嘅客軍山度士已經累積5場不勝，頹勢有排都未止，故此明尼路有權火速反底，足智彩有讓球盤提供，開門見「山」買半球、一球上盤。（周三6，香港時間周四6:30am開賽）

日前打吡戰當中，明尼路以1:3輸俾宿敵高士路，仲要係反勝為敗，不過呢場敗仗，只係佢哋近13次同對方交手以嚟首度輸波，故此都唔算太失禮。明尼路射手古爾靴美同埋中場達托羅已傷癒，球隊中前場實力大幅度提升，現時十字軍只剩下右閘馬哥斯洛查同埋中場盧卡斯簡迪度。
山度士新增咗泰亞高美亞呢位傷兵，中場連拿度亦都會因傷倦勤，故即使馬昆奴斯加比爾已坐完波監復出，球隊實力仍有所削弱，唔好忘記羅賓奴去咗幫巴西國家隊服役，艾雲華倫西亞亦被哥倫比亞所徵召，今仗真係冇兵可用。
另外山度士已經連續5場比賽不勝，走勢非常頹，相反明尼路除咗表現較穩定之外，近8次迎戰山度士亦取得6勝2和不敗佳績，格食格味道好濃，所以足智彩開讓球盤，一定捧明尼路開上盤。