德美之戰「大」有作為

德美之戰「大」有作為 

今晚唯一一場直播來自德美友誼賽；德國過去十戰美國未曾打和，唔好以為美國係奇連士文帶隊就有默契波，不過德國世界盃之後真係走樣，前鋒更加後繼無人，今次名單中連梅拿都有傷未能入選，全隊一個正箭頭都冇，不過美國今次歐遊都係試兵為主，陣中大多為22-23歲左右國腳，睇嚟德國都有力贏波，但留意呢啲友賽勒夫一向只攻唔守，好有可能又有一場大比數賽果出現。（周三5，無綫網絡電視13頻道周四2:45am直播）

美國過去贏過德國三次，當中一次為前年嘅事，當時已經係奇帥帶隊，呢位個德國名宿教波絕對有一手，而事實上，奇連士文真係全副心機放晒喺美國身上，上屆世盃刻認唔選當路雲，目的就係要俾新兵上位機會，當中打緊阿爾克馬爾嘅艾朗祖漢臣等，都係球隊明日之星，而且奇帥一向重視整體打法多於一切，所以球隊冇咗謝明鍾斯、丹普西等老將，可能機動性更強，不過缺少短暫休息嘅侯活用上巴特古辛係弱咗好多，呢場德國都幾有可能玩到佢連番出醜。

近期對碰多大手交易

德國喺世界盃後8場波只係贏咗4場，喺歐國外圍賽都竟然輸俾波蘭，明顯見到球隊正值交接期，不過強國始終係強國，近4戰佢哋都開始打番應有水準，前線亦開始適應無鋒陣式，不過今次打美國，無鋒得嚟前線真係太新鮮，首先湯馬士梅拿因傷冇入選，今場正箭頭大有可能係首次上陣嘅靴爾文拍麥斯古斯，中場奧斯爾、根度簡、卡拉馬，防線麻煩啲，冇咗門神紐亞今場一定失波，睇番兩隊過去3次友賽，一場4:1、一場4:2、一場4:3，好難想像今場會少波入，雙方後防擺出嚟都不穩，睇嚟又係入球騷居多。