墨西哥女足「比」心機

墨西哥女足「比」心機

眼見F組法國女足硬撼英格蘭女足必有一失，同組嘅墨西哥女足唔趁住遇到最弱嘅哥倫比亞女足都唔去搶分嘅話，恐怕打後都唔使再旨意可以贏波嘞！（周二2，香港時間周三4:00am開賽）
無論係墨西哥女足定係哥倫比亞女足嘅世界排名都係20開外，而且上屆女子世界盃佢哋都係喺分組賽就提早執包袱，就咁睇雙方嘅實力差距好似唔係好大，不過睇埋分組賽佢哋對過嘅對手就有啲玄機！當年哥倫比亞女足只係和到弱旅北韓女足先至唔使做「三零部隊」，反而墨西哥女足就和過英格蘭女足，只係欠缺些少運氣先至搞到出唔到線。
當然可以懷疑今時唔同往日，不過呢隊墨西哥女足喺2015年做足準備功夫，單單喺呢半年內總共踢咗13場比賽咁多，其中喺友賽就試過「雙殺」同哥倫比亞女足實力差唔多嘅厄瓜多爾女足，淨係呢一份努力不懈嘅精神就已經值得向佢哋投下信心一票啦。