西班牙女足動干「哥」

西班牙女足動干「哥」 

過去幾年西班牙威震足球壇，不過估唔到連女足都開始抬頭，遇到同樣係初次參選嘅哥斯達黎加女足絕對有能力喺呢場E組賽事打響頭炮！（周二3，香港時間周三4:00am開賽）
兩邊都係首次喺女子世界盃亮相，不過西班牙女足絕對可以睇高一線，一嚟佢哋喺女子世界盃嘅外圍賽踢咗10場贏過9次、只係和咗1場咁大把，可以話係要橫掃嘅姿態入到嚟決賽周；二嚟佢哋唔係單靠踢緊西班牙本地賽事嘅球員撐腰，中場羅莎達以及前鋒柏保羅絲正踢緊實力唔錯嘅阿仙奴女子隊，起碼有成員浸過吓鹹水先。
反而哥斯達黎加女足就一定係靠本土球員做全隊骨幹，問題係佢哋最具經驗嘅球員古絲坦娜只係代表過女足得60次咁大把，成隊波仲係好嫩，偏偏喺大賽之前又唔似得其他爭標球隊咁瘋狂踢友賽練吓默契，首次嚟到女子世界盃呢類大舞台會好蝕底，寧願信西班牙女足喺首戰可以旗開得勝。