巴西女足抵抗嚴「韓」

巴西女足抵抗嚴「韓」 

以女子美洲國家盃冠軍身份選參嘅巴西女足仲未贏過女子世界盃，喺E組首戰南韓女足話唔定就係冠軍之路嘅起點站！（周二4，香港時間周三7:00am開賽）
剛剛贏得2014年女子美洲國家盃冠軍嘅巴西女足，一向都係橫掃美洲賽事，不過佢哋喺女子世界盃張成績表都仲係一片空白，如果今屆贏到冠軍，之後再喺2016年自己國家舉辦嘅奧運贏埋金牌嘅話，咁就可以食出「大三元」，正式稱霸全世界！不過贏唔贏到今屆女子世界盃冠軍都係言之過早，最緊要都係首戰能夠順順利利。
好在巴西女足要喺E組首戰攞晒3分應該冇乜難度，事關對手南韓女足喺亞洲最叻都係喺2005年贏過一次女子東亞盃咁大把，去到近年已經無以為繼，甚至連外流球員用一隻手都數得晒，咁搞法實在好難能夠進步，相比近7屆女子美洲國家盃贏過6次嘅巴西女足簡直係天同地比，呢場波嘅比數隨時會大到嚇死你。