挪威主場創造經「典」

挪威主場創造經「典」

球員臨放長假仲邊會有心情開OT吖，估唔到食慣歎慣嘅瑞典人竟然唔明白呢個道理，喺呢場無關痛癢嘅國際賽夠膽徵召一班外流球員歸隊，作客挪威邊有人會賣命先，頂多咪當係一場「渡假波」！（周一1，香港時間周二2:00am開賽）

睇見瑞典嘅大軍名單的確係幾得人驚，「呂布」伊巴謙莫域、卡斯唐，以及施巴斯坦拿臣呢幾個熟口熟面嘅球星通通都喺陣中，全隊有超過三份二嘅球員都係外流歐洲比較大型聯賽嘅球員，不過唔好忘記呢一班人剛剛先至喺聯賽搏殺完，佢哋嘅心態到底係點真係好成疑問，可惜由於佢哋喺月尾就要踢歐國盃外圍賽，教頭希曼咁揀人法都係無可奈何。
反而身為主隊嘅挪威就知道人情世故，大軍名單當中有近半數球員都係喺北歐聯賽搵食，唔使擔心狀態問題之餘亦肯定唔會偷懶；睇埋佢哋過去3戰瑞典贏過2次咁多，肯定唔驚人腳同埋名氣唔及士氣低落嘅瑞典，有埋主場撐腰贏得！