捧加拿大女足必「中」 身為主辦國嘅加拿大女足喺開幕戰梗係想打響頭炮，所以佢哋喺早前嘅友賽約戰過奪冠熱門之一嘅英格蘭女足以及法國女足，唔係少敗就直情贏埋，睇嚟佢哋嘅世界排名能夠打入前10冇乜「水份」，甚至可以當佢哋係今屆女子世界盃其中一隊黑馬！反而中國女足喺1999年攞過一次亞軍之後就無以為繼，喺2015年更加未贏過一場波，呢場A組開幕戰隨時會全失3分。（周六27，香港時間周日6:00am開賽） 至於同組嘅新西蘭女足上場友賽雖然面對住大熱門日本只係僅敗，但係前仗就以大比數不敵美國，而且佢哋喺過去三次參加女子世界盃，最叻都係殺入分組賽，橫睇掂睇都好難阻到荷蘭女足攞分。（周六33，香港時間周日9:00am開賽）