大宮松鼠個個「讚」好 見到有能力爭升班嘅磐田山葉以及千葉市原喺近期不斷失分，榜首大宮松鼠仲唔趁住呢段時間努力搶分嘅話，季尾如果升唔班就唔好怪人！有消息話松鼠中場金澤慎仲未完全康復，不過影響應該唔大，事關另一位殺手美查迪近期頻頻後備上仗都有波入，喺調動上見唔到有任何問題，難得今次只係遇到排喺第15位嘅讚岐卡馬達馬尼，一定會把握機會繼續搶分！（周六12，香港時間周六3:00pm開賽） 至於排喺前列位置嘅長崎成功丸就會作客對熊本羅亞素，唔好以為佢哋作客一定輸蝕，除咗上輪日乙不敵金澤薩維根之外，話晒都贏過實力唔錯嘅大阪櫻花以及水戶蜀葵，贏埋熊本羅亞素唔出奇。（周六10，香港時間周六2:00pm開賽）