捧利體會大動干「戈」

捧利體會大動干「戈」 
 
明顯見到利斯菲體育會同埋戈亞斯近期越踢越有進步，實在好難硬推其中一隊贏波，不過可以預期兩邊都會對攻，轉吼「大」先係上策。（周四12，香港時間周五8:00am開賽）
明眼人都睇得出主隊利斯菲體育會越踢越有進步，上個月頭喺巴西盃作客查比高恩斯都仲係輸波，不過相隔短短半個月喺主場再對多次就贏番；再睇埋佢哋近期兩戰山度士亦好有啟示性，先喺主場擊敗山度士，之後作客踢成平手好似仲退步咗，不過留意作客和波一役係先喺上半場落後0:1，能夠追到2:2平手絕對唔係容易，季初頻頻入波嘅迪亞高蘇沙安達迪稍為收火就輪到祖連頓等人發功，完全唔需要擔心佢哋會入唔到波。
作客嘅戈亞斯亦出現類似情況，喺近6戰贏足4場已經非常唔錯，不過要睇嘅應該係上輪巴甲迎戰甘美奧半場落後都可以追成平手，雖然贏唔到波，但係絕對唔能夠話佢哋走樣。就咁睇真係好難判斷到邊一隊波嘅近況係比較好，特別係利斯菲體育會憑個主場就成為熱門就更加唔抵買，反而博佢哋嚟一場「大」戰仲抵玩。