洛辛堡大炒「加」注捧

洛辛堡大炒「加」注捧

若果話挪超係一個例必會開「大」嘅聯賽，咁挪威盃就係「超大」盃賽嘞！仲記得上季洛辛堡就試過作客都大炒高斯達10:2咁多，區區一隊嚟自挪甲嘅利雲加又算得係乜？（周三22，香港時間周四1:00am開賽）
目前洛辛堡喺挪超做緊「一哥」，另一隊爭標熱門莫迪出閘脫腳，令到佢哋可以暫時分心兼顧幾條戰線。唔好忘記唔少挪超球隊都鍾意喺挪威盃大炒對手嚟出氣，既然洛辛堡冇乜必要留力，講到人腳更加唔使多講，作客利雲加嘅賠率又對辦，讓到「-2」只係濕濕碎。
去到瑞超見到勁旅馬模作客對住加費萊，贏波應該都好難有走雞。留意馬模早前作客科根堡就試過半場落後2球追成3:3平手，亦同艾夫斯堡打成平手，喺上個禮拜日晚對住阿維達貝治贏得不費吹灰之力，相信佢哋唔只作客贏波仲可以贏埋盤。（周三23，香港時間周四1:05am開賽）