葡萄牙U20清「卡」數

葡萄牙U20清「卡」數

踢完首輪世青分組賽，邊隊係人、邊隊係鬼都已經估到七七八八，其中最令人大跌眼鏡嘅竟然係大賽例必腳軟嘅葡萄牙U20！（周三2，香港時間周三12:00pm開賽）
係人都知葡萄牙去親大賽都係雷聲大、雨點小，不過呢隊葡萄牙U20竟然喺首戰以3:0大炒好氣好力嘅非洲兵塞內加爾，唔似得好似以前咁去到大賽腳軟，特別係一班由賓菲加、波圖，以及士砵亭國內三巨頭派出嘅後生仔所組成嘅中前場竟然冇發生內亂，仲識合作取得入波，首戰炒到塞內加爾冇理由炒唔到實力更弱嘅卡塔爾。
同葡萄牙以及塞內加爾同處C組嘅哥倫比亞U20，就要迎戰塞內加爾，真係唔知道呢一班後生仔仲未成熟，定係未適應時差問題，不過就算係邊個原因都好，首戰少勝卡塔爾絕對唔係合格嘅表現，今次對住體力充沛嘅塞內加爾，隨時現形失分。（周三3，香港時間周三3:00pm開賽）