大阪飛腳捉「鹿」脫角

大阪飛腳捉「鹿」脫角

日職兩支傳統勁旅喺今日相遇，必有一番惡鬥，主場嘅大阪飛腳傷疲盡起，而鹿島鹿角就有主力外援達維缺陣，作客出賽有一定程度影響，故此足智彩開讓球盤，大阪飛腳讓平手、半球可捧上盤。（周三6，香港時間周三6:00pm開賽）

其實大阪飛腳都有巴西外援連斯利馬坐波監，不過呢位前鋒根本唔係主力，佢今季喺日職只係入過1球咁大把，反而另一森巴兵安達臣柏德列都有3球進帳，首席射手宇佐美貴史單計日職都轟入9球之多，故此捧大阪飛腳嘅球迷，實在唔需要擔心，更何況倉田秋、大森晃太郎同埋岩下敬輔等球員已經傷癒，是役人腳相當完整，主場出擊值得睇好。

鹿角攻力令人擔憂

鹿島鹿角上仗擊敗松本山雅，不過喺亞冠盃分組賽就宣布出局，近期亦有不敵浦和紅鑽嘅紀錄，面對實力一般嘅廣島三箭就只能夠打和，水準唔算係好穩定，加上山本脩斗因傷缺陣，另一主力外援達維就左膝受傷，冇咗佢喺前線攻堅，鹿島鹿角嘅入球能力頗令人擔心。故此足智彩今仗開讓球盤，大阪飛腳主場讓平手、半球相當安全，買上盤絕對係明智之舉，值得押注。