柏市鬥紅鑽「大」無畏

柏市鬥紅鑽「大」無畏

柏雷素爾對浦和紅鑽一仗，兩軍大部份防守主力都要停賽或因傷倦勤，變相係攻擊球員嘅表演機會，所以今仗對賽唔使理誰勝誰負，集中火力買入球大，1.78倍雖然熱啲，但易開易中點都要捧場。（周三7，香港時間周三6:00pm開賽）

先講主隊人腳先，柏雷素爾後衛杜度被罰停賽，中堅增島龍仲未傷癒，防線預咗會大崩潰，不過兩位攻擊球員射手李安度蒙迪拉同埋工藤壯人腳風唔錯，加上亞冠盃暫時休戰，睇嚟柏雷素爾又可以專注日職，今仗勢必喺主場積極進攻。

紅鑽多名守將缺陣

浦和紅鑽上輪以6:1大勝鳥棲砂岩，反映出超強攻力之餘，亦創下開季連續13場聯賽不敗佳績，追平橫濱水手喺2002年，同埋名古屋鯨魚喺2003年嘅季初最長不敗紀錄走勢，故全隊目前嘅信心同士氣都好強，是役作客肯定照打進攻足球。不過浦和紅鑽都唔係冇缺點，國腳級球星那須大亮坐波監影響最大，另外齋藤翔太同埋石原直樹都分別因傷倦勤，個個都係防守球員，缺堤在所難免，所以今晚呢場柏雷素爾對浦和紅鑽，真係乜嘢都唔使諗，直接買入球大就得喇。