美國U20萬象更「新」

美國U20萬象更「新」

世青盃東道主新西蘭今日將會喺A組次輪比賽對戰美國。新西蘭首戰悶和烏克蘭，而美國首戰贏緬甸，講信心分分鐘好過主隊，初盤成熱門相對合理。（周二3，香港時間周二3:00pm開賽）
新西蘭陣中雖然都有幾多外流球員壓陣，好似馬賽中場杜魯馬同維琴察後衛艾治等等，但上輪面對烏克蘭卻苦無破關方法，似乎攻力只係麻麻哋；事實上新西蘭仲有葉士域治前鋒蒙迪柏達臣可以候命，但佢可能唔多受教頭巴斯利喜愛，上場只係可以後備上陣，加埋隊長杜魯馬喺上場傷出，今場仲未知可以可以趕得切康復上陣，新西蘭要改善其疲弱攻力睇怕有一定困難。
至於美國上場贏到緬甸，雖然贏來唔算容易，但一場勝仗肯定有利增強信心同士氣；再講美國嘅陣容唔差，有齊富咸中場軒特文、熱刺後衛域加斯同阿仙奴中場沙拿林等外流球員支撐大局，計級數分分高過新西蘭，今場成熱門，可放心捧場。