阿根廷U20「加」注捧

阿根廷U20「加」注捧

阿根廷喺世青盃B組首戰意外失分，今日對戰加納時候肯定再冇失分空間，好在加納首戰演出都係麻麻哋，阿根廷只要發揮出水準肯定有力打開勝門。（周二2，香港時日周二3:00pm開賽）
阿根廷首戰遇着巴拿馬，結果喺兩度領先下被迫和痛失2分，講演出肯定唔算好，不過年輕人往往差啲經驗，只要受過教訓，往後表現肯定會更為小心，唔會犯同一錯誤；事實上，阿根廷本身質素完全冇疑問，三線主力洛隆、布恩迪亞、安祖哥利亞以及卡沙蘇拿據報首戰演出都唔錯，教頭哥度拿都認為，只要阿根廷今場略為改善到把握能力，要旗開得勝唔係一件難事。
加納首戰僅和奧地利，表現同樣唔多合格；講真嗰場波佢哋全場落後，最後僅靠一個12碼先喺補時階段搶番1分，唔使輸純粹有運；事實上，今屆呢隊加納明顯冇以往一班前輩咁強，曼城前鋒耶保亞等喺球會都冇機會，對住阿根廷難靠。