巴拿馬U20有見「地」

巴拿馬U20有見「地」

世青盃話咁快去到第二輪分組賽，其中B組奧地利會對巴拿馬。計首戰表現，巴拿馬可以迫和阿根廷，演出較僅和加納嘅奧地利有保證，受讓信得過。（周二1，香港時間周二12:00pm開賽）
巴拿馬喺比賽前自然被認定係呢組魚腩，但首輪可以迫和阿根廷2:2，仲要係兩度落後下都迫和到對手，演出絕對令人喜出望外；事實上巴拿馬陣中僅得2名外流球員、中場拿邦以及後衛巴爾迪其實都唔係主力，證明佢哋對班本土球員同樣信心十足，難怪教頭比比奴更信心大到話巴拿馬有能力喺分組賽攞到一場勝仗，咁有把握之下，今場僅因名氣不及對手而受讓值博。
奧地利上輪對手係加納，球隊全場領先下，喺補時階段失守被迫和1:1完場，對年輕球員肯定帶來打擊；就算幾名有外氣主力如皇馬後衛菲臘比連赫特，同埋不來梅前鋒基利特舒都可以候命，如果演出冇進步似乎都唔夠贏巴拿馬開勝門。