世青盃捧阿根廷

世青盃捧阿根廷

    今日同大家講吓正在新西蘭舉行嘅世青盃U20決賽周，由於上屆冠軍法國、“小紅牛”西班牙，仲有意大利與英格蘭幾個歐洲強國未能入圍，預料今屆世青盃U20好可能屬於南美球隊天下，四大強國阿根廷、巴西、烏拉圭、哥倫比亞都成為奪標熱門。不過，“口靚仔波”經常表現都比較飄忽，除非兩隊強弱懸殊得好交關，否則都會打餐死。

    小弟首選大熱係阿根廷，因為呢班小將來頭都唔小，大部分球員都在國內甲組球會效力，包括河床、沙士菲及聖羅倫素等名牌球會。首戰對巴拿馬梅開二度嘅哥利亞，已加盟西甲勁旅馬德里體育會，仲有巴塞羅那青訓產品、巴塞B隊主力嘅羅隆，效力加泰嘅史泰堤等，都係極具潛質嘅明日之星，球隊更在二月份力壓巴西與烏拉圭，勇奪南美州U20冠軍，有望乘勝追擊再奪世青盃。

    歐洲有競爭力嘅球隊，應該係德國與葡萄牙，惜兩隊球員所效力球會及比賽資歴稍低，但“口靚仔波”始終都要講求拼勁及鬥志，絕對係南美球隊最大勁敵。