國際米蘭贏盤合「里」

國際米蘭贏盤合「里」 
   
國際米蘭今季表現都令人幾失望，但暫時睇落教頭文仙尼帥位依然幾穩，球隊下季仲有錢俾佢擴軍，今場主場謝幕戰，眾球員睇怕都唔敢偷懶，會全力贏安玻里謝幕，以免激嬲文帥。（周日30，無綫網絡電視302頻道周一2:45am直播）

國際米蘭上場作客輸埋俾熱拿亞，下季肯定又冇歐洲賽打，不過今場話晒係主場謝幕戰，文帥來季帥位睇落暫時又幾穩陣，相信眾球員都唔會偷懶，以免激嬲主場球迷之餘，又要討好文帥等自己下季繼續有得「撈」，戰意應該唔使懷疑，配合莫路伊卡迪、柏拉斯奧以及靴蘭尼斯等中前場球員都可以候命，要大勝一場冇難度。
客軍安玻里依家僅排15位，即係啱啱好護級成功，實力同國米本身有一定距離，再來佢哋班球員喺護級成功後，似乎已立即收晒油，近3場得1和2負，上場主場謝幕戰都贏唔到同樣留晒力嘅森多，球隊今周仲有射手馬卡朗尼停賽，靠唔住。
至於羅馬上周贏咗拉素攞到歐聯資格，成隊波肯定士氣大振，今晚謝幕戰對手又只係上禮拜對費倫失3球嘅巴勒莫，大勝開「讓主」睇怕係意料中事。（周日32，香港時間周一2:45am開賽）