中央陸軍一「夫」當關  莫斯科中央陸軍雖然已經反超卡斯洛達殺上次席，但係佢哋仲未坐穩亞軍席位，想爭歐聯席位仲要再贏多次，好在今次佢哋只要係作客羅斯托夫，贏波應該冇乜問題！仲記得羅斯托夫喺季中仲係排緊榜首，就喺呢個關鍵時刻中央陸軍竟然借出中鋒迪斯奧巴俾佢哋護級，始終中央陸軍係羅斯托夫嘅恩人，點都會識做送吓分嘅！（周六15，香港時間周六6:30pm開賽） 當然卡斯洛達都唔係完全冇機會重奪亞軍位置，只要中央陸軍失分，而佢哋作客贏到莫斯科戴拿模就搞掂嘞；睇番戴拿模重用老將，難免會喺季尾冇乜表現，反而卡斯洛達出晒名用後生仔，個個到呢一刻都仲係好氣好力。（周六13，香港時間周六6:30pm開賽）