FC達拉斯「肯」定贏

FC達拉斯「肯」定贏

能夠成為美職聯「西岸一哥」，FC達拉斯當然有唔少過人之處，近期就算係面對住紐約紅牛以及洛杉磯銀河等實力份子都能夠立於不敗之地，更何況係一隊肯薩斯體育會？（周五8，香港時間周六9:00am開賽）
其實早喺上個月中就見到FC達拉斯上緊力，當時佢哋喺主場迎戰FC多倫多單憑頭45分鐘就已經贏到收夠籌，估唔到打後仲贏埋侯斯頓戴拿模以及洛杉磯銀河，前一輪美職越級挑戰紐約紅牛甚至可以和波冇失到分，做到「西岸一哥」絕對唔係偶然。當然你可以話主隊肯薩斯體育會上場作客和到西雅圖海灣者亦係唔錯，問題係呢隊波前面入幾多都唔夠後面輸，好似喺呢一個月內作客同侯斯頓戴拿模踢成4:4、主場以4:2擊敗新英倫革命就係最佳例子，總之唔好預佢哋會保到清白之身，今次遇到實力唔錯嘅FC達拉斯肯定會受唔少考驗，唔使再諗其他盤口，直取客勝。