新西蘭開鑼戰「克」敵

新西蘭開鑼戰「克」敵
 
世青盃A組賽事，東道主新西蘭U20有權借助天時地利人和打響頭炮，畢竟對手烏克蘭U20嚟自東歐，適應需時，要讓波唔值必捧新西蘭「讓主」。（周五7，香港時間周六9:00am開賽）
新西蘭U20教練巴斯利雖然名氣唔大，不過佢已經上任兩年，對球隊非常熟悉，加上今次大軍班底不俗，包括葉士域治前鋒蒙迪柏達臣、馬賽中場杜魯馬、維琴察後衛艾治同埋賓福特門將查尼夫，當中又有5個澳職威靈頓鳳凰球員入選，大家夾慣夾熟，配合埋主場球迷吶喊助威，分組賽打響頭炮先攞3分其實有咩咁出奇？
烏克蘭U20球員普遍嚟自國內兩大班霸基輔戴拿模同埋薩克達，不過佢哋大部份喺一隊只屬後備，只有效力米達列斯嘅前鋒拉迪真高係正選，所以成班球員真係牛奶仔，山長水遠由東歐飛去新西蘭，單係適應都需要時間啦，要讓波完全係俾名氣所累，新西蘭「讓主」搏得過。