克雷塔羅斬草除「根」

克雷塔羅斬草除「根」

隊隊波踢附加賽都係採取「摩連奴政策」，即係作客先和你，不過返到主場一定要贏，不過拿根亞就掉番轉，喺墨超季後賽主場未贏過，往往要作客先肯爆冷擊敗對手晉級，不過咁樣爆冷法可以爆到幾多次先？（周四7，香港時間周五9:30am開賽）
唔好以為決賽就一定係一場過決勝負，事實上呢場墨超季後賽決賽係分主客兩個回合，而主隊拿根亞喺晉級途中並唔係靠主場搶分，好似喺上兩圈季後賽主場對住堤格雷斯同埋瓜達拉哈拉都係老鼠拉龜，往往要去到客場先至擊敗對手晉級，真係唔知佢哋係負碌定係接連踢出極之出色嘅「反守」足球。
不過場場咁踢好易就俾對手睇穿，特別係克雷塔羅嘅進攻能力唔錯，喺近4戰總共入到6球咁多，就算作客打番個8折都未必會怕拿根亞嘅「大巴陣」，難得佢哋個讓球盤仲有得受讓平手、半球咁筍，捉實下盤唔放起碼收番半格。