堤艾之戰「和」氣生財 唔經唔覺堤格雷斯喺5月頭開始已經連續5場波都未贏過，如果場場不敗都可以話佢哋留力，不過入波又少、失波冇改善到就肯定係有「內傷」，去到自由盃半準決賽次回合真係唔敢睇好佢哋。（周二5，香港時間周三9:00am開賽） 堤格雷斯近期無論係喺墨超季後賽定係自由盃都係毫無還手之力，即使唔要求佢哋場場不敗，唔單只喺近5戰未贏過，僅僅入到2球絕對係唔合格，睇嚟佢哋唔止防守出咗問題咁簡單，恐怕就連前線亦同時死火，前巴西國腳拿費爾蘇比斯要負好大責任。 當然作客嘅艾美歷克喺首回合主場少勝，入唔到保險球就令到堤格雷斯尚有一線生機，好在睇番佢哋喺分組賽以及16強嘅表現，未見過佢哋喺客場會大敗收場，甚至贏過實力唔錯嘅智利大學，再對堤格雷斯未必贏到亦唔似會輸。