柏雷素爾如虎添「翼」

柏雷素爾如虎添「翼」

唔怪得柏雷素爾作客可以搞掂水原藍翼啦，原來佢哋係「藍翼殺手」之餘，仲身兼「韓職剋星」，返到主場再對多次唔單只「雙殺」贏波咁簡單，直情可以放膽撐佢哋大勝，要埋「讓主」冇問題。（周二1，now672台周二6:00pm直播）

千祈唔好睇少柏雷素爾目前喺日職只係排緊中下游，好似冇乜戰鬥能力，實際上南韓傳媒已經將呢隊日職球隊完全「起底」，發現佢哋係正正式式嘅「韓職剋星」；仲記得喺2013年嘅亞冠分組賽，當時柏雷素爾同水原藍翼同組，作客大炒過藍翼6:2，主場畀吓面都踢成0:0平手，及後去到16強就遇到全北汽車，點知呢次贏得更加輕鬆，先喺客場贏2:0，主場亦贏3:2，連殺兩隊韓職球隊都咪話唔勁！

近十次鬥韓職隊佔優

如果偶然咁樣贏法可能只係僥倖，不過再計埋近年對賽就會認同呢種睇法，原來柏雷素爾歷年來10次面對住韓職球隊贏過7次、和過3場，期間更加取得26個入波，有咁強勁嘅數據支持，今晚就算唔撐柏雷素爾贏波，頂多都係改要和波算數。
事實唔撐「韓職剋星」柏雷素爾贏波真係都諗唔到買乜先好，上個回合水原藍翼淨係識靠兩邊轟炸先能夠取得入波，踢法過於單調今晚隨時會俾柏雷素爾重點防範。反而柏雷素爾除咗兩邊出波極有威脅之餘，亦試過喺中路攻破藍翼大門，特別係巴西前鋒李安度蒙迪拉憑住一己之力就搞死藍翼成條防線，唔使擔心佢哋會搵唔到方法入波，喺咁短時間之內再對多次應該都冇乜改變，趁住足智彩開讓球主客和，直情可以放棄主勝要「讓主」，等柏雷素爾教吓藍翼踢波。