拉素誓“羅”三分

拉素誓“羅”三分

    歐洲五大聯賽只剩意甲仍未煞科，今晚更有一場亞軍爭奪戰，由拉素對羅馬。既然係首都打吡，兩隊都唔衰得，必定拼過你死我活。

    拉素今季表現實在令人驚喜，不但在聯賽穩守前三位置，意大利盃更殺到入決賽，可惜功虧一簣，只係加時不敵聯賽四連霸嘅祖雲達斯，叫做雖敗猶榮。但足以證明拉素本身實力絕不簡單，今仗火併同市勁敵，至少可站於不敗。

    當祖雲達斯擊敗拿坡里後，羅馬已坐季望亞。當然，要保住“阿二”位置，今仗絕對不能鬆懈，但要擊敗戰鬥力頑強嘅拉素亦非容易。初盤平手，“粉絲”較多嘅拉素值得捧場。

    拉素在意大利盃決賽不敵祖記的確一肚氣，球隊整體發揮其實並不在祖記之下，只係埋門一腳欠缺運氣。只要繼續保持戰意，拉素今仗勝算較高。

    羅馬近四場比賽贏三場，表現算相當穩定，惜陣中主力傷兵唔少，兩名巴西守將邁干與卡斯坦、荷蘭國腳史杜特文及科特迪瓦前鋒謝雲奴皆因傷缺陣，陣容不整情況下實在不宜睇好。

    推介：拉素2:1