愛華頓熱刺好「和」味

愛華頓熱刺好「和」味
   
愛華頓終止2連敗，表現明顯復甦，不過今晚嘅對手熱刺亦有回勇跡象，加上彼此都無法以最佳陣容出擊，最後一戰不如和氣生財仲好啦，何況買和局有3.5倍超回報，用嚟過關就更加一流。（周日41，now632台周日10:00pm直播）

菲臘積基爾卡剛剛為愛華頓年度最佳球員，不過另一後衛巴尼斯要接受足踝手術，要下季再同球迷見面，而艾朗連儂就因為受制於借用條款而唔可以倒戈，所以愛華頓今晚喺葛迪遜公園球場謝幕都不宜寄厚望。熱刺上場英超擊敗侯城反底，後衛基利捷斯更加會坐完波監復出，只可惜兩個正選閘衛包括賓戴維斯同埋基爾獲加都因傷倦勤，防守方面多少令人擔心。以波論波，愛華頓同埋熱刺喺人腳同埋近況方面都係差唔多，開個3.5倍和局好頭好尾一啲都唔奇。
另外，曼城今季四大皆空，謝幕戰喺主場一定要做齣好戲，更何況今仗亦係林柏特告別戰，耶耶托尼同埋教練柏歷堅尼又隨時離開英超，是役遇修咸頓肯定唔會留手，買「讓主」歡送呢班球星。（周日44，now622台周日10:00pm直播）