紐記侯城搏命一擊

紐記侯城搏命一擊

    英超今晚上演煞科戰，前四排名經已全部就位，昆士柏流浪與般尼亦篤定降班，所以焦點將落於紐卡素與侯城身上，邊隊降班就要睇最後一戰。

    紐卡素將會主場迎戰韋斯咸，“紐記”因為得失球比侯城較差，球會要確保護級成功，非要在“錘仔幫”身上全取三分不可。但講近期表現，紐記近十戰九輸，祇係和過一埸比賽咁大把，上仗更被昆士柏流浪拖埋落水，狀態簡直差到冇朋友。但既然仲有最後一次機會，兼且生死攸關，希望紐記可以垂死掙扎，殺出條血路。睇近期戰績，已經知道韋斯咸嘅戰意與季初相比，簡直天與地，所謂“救人一命勝造七級浮屠”，放下“錘仔”立地成佛，紐記應可乘虛而入。初盤紐卡素讓半球／一球，博紐記至少可執半個盤。

    命懸一線嘅侯城將要對住曼聯，贏波難度相當高，且就算贏波仲要睇人面色，今次真係“虎”落平陽被犬欺。有頭有面嘅紅魔亦唔會輕易賣順水人情。不過，主場受讓平手／半球，不妨博“老虎”發爛渣，有機會又執半個盤。

    推介：紐卡素  1:0  韋斯咸

     侯城1:1曼聯