波圖煞科「費」盡心機

波圖煞科「費」盡心機 

波圖失葡超冠軍可謂一肚氣，雖然今晚聯賽煞科戰贏波都無補於事，不過呢啖烏氣點都要發洩下，適逢到訪嘅彭拿費爾篤定降班，波圖根本唔需要留手，足智彩開讓球主客和，波圖「讓主」真係多多都買得過。（周五16，有線155台周六3:30am直播）
睇住賓菲加歷史性第34度喺葡超封王，波圖不是味兒絕對可以理解，但鬼叫佢哋唔爭氣賽和比蘭倫斯咩，今晚返主場迎戰彭拿費爾，點都要好好睇睇贏番場向球迷交代，多謝粉絲全季不斷打氣同支持，所以真係炒味濃，畢竟客軍係葡超包尾球隊，又早早篤定降班，有幾多料大家心中有數，是役做出氣袋睇住波圖開「讓主」已經可以預期。
同日挪威聯賽有莫達倫主場挑戰名牌球隊莫迪，雖然後者近幾場走勢一般，不過佢哋始終係爭標份子，實力有番咁上下，適逢莫達倫亦累積連續兩場聯賽不勝，後防失球數字都相當嚴重，故此可放膽搏莫迪開「讓客」。（周五2，香港時間周六1:00開賽）