NAC客場有「芬」頭

NAC客場有「芬」頭 

荷甲同荷乙有幾大差距？過埋今晚就自有分曉！冇錯芬洛嚟到附加賽首回合先有主場之利，不過對手NAC淨係喺今個月就入成6球波咁多，如果能夠保持到呢個入球數字，一般嘅荷乙球隊肯定唔係佢哋嘅手腳。（周五15，香港時間周六2:45am開賽）
實在唔使太介意NAC喺季尾連輸3場，事實上佢哋一早就知道要踢附加賽，所以季尾贏輸已經變得唔太重要，要留意就留意佢哋喺今個月先後同阿爾克馬爾以及格羅寧根踢成2:3以及4:5，一隊荷甲弱旅去到季尾仲有咁強勁嘅進功能力絕對唔簡單，作客嚟自荷乙中游嘅芬洛，有番對上兩戰嘅七成入球能力都夠開客勝有找啦。
而較早時間亮相嘅安曼剛剛先至贏完洛達，不過唔好以為後者故意放水先至輸波；睇番今季安曼喺荷乙入到88球波，而洛達就只係入到69球，來回相差接近20球波咁多，雙方實力有明顯差距。（周五3，香港時間周六1:45am開賽）