洛杉磯銀河讓主「拿」手

洛杉磯銀河讓主「拿」手 

洛杉磯銀河近3戰不勝，但係最大原因，係該隊要連續3場作客，今次佢哋終於可以回歸主場，有球迷吶喊助威之下，有權擊退侯斯頓戴拿模反底，足智彩開讓球主客和，可以搏大啲，買銀河開出「讓主」。（周五21，香港時間周六10:30am開賽）

銀河持續低迷，好大程度係因為同作客出戰有關，佢哋馬不停蹄，表現又點會好呢。撇除近兩仗先後不敵奧蘭多城同埋FC達拉斯，仲有早前賽和皇家鹽湖城，銀河其實單計主場係3戰不敗，而且仲取得2勝1和佳績，包括賽和科羅拉多急流，擊敗肯薩斯體育會，同埋力克西雅圖海灣者，足以證明主場出擊係有一定威力。另外，薩迪斯、阿倫哥頓、巴福特占美臣、巴治奧胡斯迪同埋奧馬干沙利斯等主力球員，喺球隊戰績低迷期間依然不斷取得士哥，洛杉磯銀河爛船始終有三斤釘，唔好睇小佢哋。
侯斯頓戴拿模近4戰獲2勝2負，表現稍嫌反覆，上仗擊敗波特蘭時亦付出代價，因為中場阿歷山大盧比斯觸傷舊患，要通過賽前體測先知趕唔趕得切上陣，加上侯斯頓戴拿模過去作客洛杉磯銀河嘅成績唔算太突出，故此今仗搏銀河反底開「讓主」好合理。

哥倫布機員「加」注捧

同日哥倫布機員對芝加哥火燄一仗情況相若，機員返主場出擊特別醒神，佢哋上仗雖然輸俾聖荷西地震，但如果單計主場，機員其實係3連勝，相反火燄就反其道而行，已經累積3場不勝，今日作客相信好難阻到機員贏波，進取啲搏開「讓主」，隨時有意外收穫。（周五19，香港時間周六8:00am開賽）