河床主場睇「高」一線

河床主場睇「高」一線

南美自由盃8強首回合，最近十分得閒嘅河床，以逸待勞喺主場等待高士路到訪，真係想唔贏都難，客軍傷兵多之餘，近排表現又差，令賽事頗有一面倒嘅感覺，所以河床讓半球、一球上盤有1.92倍記得要捧。（周四7，香港時間周五9:00am開賽）
河床16強對小保加因為被對方球迷施以胡椒噴霧襲擊，故最終被判贏3:0，兩回合計4:0晉級，而由於阿根廷球壇早前死咗人，故此上周比賽全部延期，河床變相受惠多咗休息時間，以逸待勞留守主場出擊真係冇得輸。高士路情況相反，佢哋剛於巴甲輸波，目前至少有7名傷兵缺陣，包括兩位主力中場巴迪斯達同阿里遜，是役難阻河床開上盤。
同日巴拉圭瓜蘭尼主場對阿根廷競賽會亦勝望濃，因為主隊6連勝氣勢超強，現階段應該冇人截得住佢哋，加上競賽會有主前卡路士紐尼斯、中場奧特同埋後衛柏保路艾華拉度倦勤，前中後三線皆削弱，平手盤要瓜蘭尼。（周四6，香港時間周五6:45am開賽）