拿根亞主W可「達」標

拿根亞主W可「達」標

墨西哥超級聯賽附加賽4強戰首回合，拿根亞喺主場迎戰瓜達拉哈拉應可先拔頭籌，雖然計常規賽排名係後者比較高，但論到近期嘅狀態，拿根亞就贏客軍一條街，少讓平手、半球上盤熱到得1.69倍都要捧。（周四9，香港時間周五11:00am開賽）
拿根亞近8場比賽獲5勝2和1負，上仗力克堤格雷斯1:0更顯示出球隊喺攻同埋守都有顯著進步，一箭定江山嘅迪贊寧季尾腳風順，將會成為拿根亞嘅入球希望。而尼斯達卡達朗、艾斯高巴沙、艾捷迪同埋安達斯雲泰利亞等主力喺過去幾場比賽亦分別取得士哥，可見狀態不俗，是役喺主場球迷打氣之下，力足敲響頭炮。
瓜達拉哈拉計聯賽排名喺拿根亞之上，不過佢哋表現明顯虎頭蛇尾，全靠前段攞夠分踢附加賽，球隊近7場比賽只係贏得一場，另外對莫雷利亞、堤格雷斯同埋普埃布拉都要失2球以上，反映出後防有好大問題，故此拿根亞讓平手、半球上盤信得過。