馬模大捷連「根」拔起

馬模大捷連「根」拔起

瑞超今晚有兩場比賽上演，當中以馬模對赫根比較有睇頭，畢竟一支係爭霸份子，一支就係黑馬，問題係馬模實力比較完整，加上有主場之利相助，故此2.25倍嘅「讓主」有力將對手連「根」拔起。（周四3，香港時間周五1:00am開賽）
馬模中堅拉斯慕斯賓特臣拉傷，傳聞要7月先可以復出，不過球隊除咗佢一個之外，並冇任何十字軍，人腳其實相當完整，而且上仗球隊只係受到客軍球迷放煙花影響，喺賽事中斷再重開後被迫和，今晚馬模喺自己地頭出擊，應該再冇任何理由失分。客軍嘅艾基維奧同埋馬田艾歷臣都倦勤，加上對賽往績欠佳，今次作客真係九死一生。
另外，剛勇奪瑞典盃冠軍嘅哥登堡，亦可憑較佳走勢同埋士氣，喺主場再挫AIK蘇納延續喜悅，客軍有主力華辛倫坐波監，實力勢必受到影響，加上哥登堡累積3連勝，讓半球、一球上盤有2.14倍回報抵玩。（周四4，香港時間周五1:05am開賽）