撐火車頭「賓」主盡歡

撐火車頭「賓」主盡歡 

莫斯科火車頭同埋古賓喺俄羅斯盃決賽相遇，將會以一戰定生死形式決賽冠軍誰屬，火車頭上場聯賽適時反彈，相反古賓3連敗進退失據，彼此信心同埋士氣都有距離，足智彩開平手盤捧火車頭可謂坐走望贏。（周四1，香港時間周五12:00am開賽）
 火車頭早前經歷咗一輪6場不勝嘅低潮期，但係當俄羅斯盃決賽來臨前，佢哋就趕得切反彈，以3:0大勝實力份子魯賓卡山，前熱刺射手柏夫里約真高打破入球荒最令人欣喜，由佢夥拍文奴費南迪斯同埋森馬杜夫等技術型球員一齊攻堅，質素有一定保證，只要佢哋打番出信心同埋本身水準，絕對不容忽視，畢竟呢班球員都出過歐洲，淨係講大賽經驗都贏晒。
古賓近期好唔爭氣，近5戰只係取得1勝4負，仲要直落連輸3場，包括以1:2負於莫斯科戴拿模，另外以0:1分別不敵魯賓卡山同埋阿馬卡，入球能力都有問題，而且古賓近3戰火車頭獲1勝2負，往績稍稍輸蝕，平手盤捧火車頭包冇錯。